Bil av vegen på Hope – mistanke om ruskøyring

Ein bilførar i midten av 20-åra er frakta til lege for sjekk, etter å ha køyrd ut av vegen like sør for avkøyrsla til Liereid. Politiet melder at bilen har treft nokre store steinar. Det er mistanke om ruskøyring.

Politiet fekk melding om trafikkuhellet klokka 13.34. Bilberging og politipatrulje blei sendt til staden.

E39 var heilt stengt i ein periode, deretter blei det sett i verk manuell dirigering forbi ulukkesstaden.