nyhende
Barna laga kunst med blåbærmåling
Med måling laga av blåbær dei har plukka i skogen, og med andre tung frå naturen og gjebruksmaterialar, har barna i Sveio barnehage laga kunst.
I to veker har ungane i Sveio barnehage fått eit innblikk i kunsten si verd.
— Det er ein årleg tradisjon me har her i barnehagen, fortel pedagogisk leiar Hilde Lønning.
Natur og gjenbruk
I år har det vore fokus på natur og gjenbruk under kunstvekene. Dei har mellom anna laga «heimelaga» måling, kor blåbær dei har plukka i skogen har vore ein viktig ingrediens. Laukskal har også vore brukt for som fargeingrediens. Heimelaga kolstiftar, basert på pinnar og greiner, har dei også laga.
— Ungane har vore med på heile prosessen, fortel ho.
Inviterte familie
Torsdag inviterte dei foreldre, søsken og andre familiemedlemmer på utstilling i barnehagen, kor gjestene ikkje berre kunne sjå kunstene ungane hadde laga, men også nyte frukt.
— Det var godt besøk, og me fekk mange gode tilbakemeldingar, fortel Lønning.
Kunstverka fekk ungane ta med seg heim fredag.
