Badetemperaturen stig stadig

I sommar må me feriera i Noreg, og kanskje kan ein tur til ei ny badeplass vera ein idé når det ikkje er andre planar for dagen. Friluftsrådet Vest tek tempen jamnt og trutt i dei mange flotte områda dei har ansvar for, og siste runde før helga viser at det mange stader nærmar seg 20 grader i sjøen.

Lokalt står det to badeplassar på friluftsrådet si liste. I Holsvika viste temperaturmålaren 17 grader fredag, medan det var 18 grader i Selsåsvika.

Mange flotte badeplassar

– Mange av friluftsområda som blir forvalta av Friluftsrådet Vest er flotte badeplassar. Du kan velja mellom lange kvite sandstrender på vestsida av Karmøy, og flere universelt tilrettelagde badeplassar som Eivindsvatnet i Haugesund, Lie badeplass i Skjoldafjorden og Breidavika på Fitjar, seier Knut-Arild Sørensen i Friluftsrådet Vest.

Eller du kan finna din eiga strand på ein av dei idylliske fjordstrendene i Vikjo i Kvinnherad eller Nesøyra i Saudasjøen. Dei mange badeplassane finnest i alle kommunar og dekker ulike behov i region og nærmiljø.

Ferskvatn varmast

– Ferskvassbadeplassane blir ofte fortare varme enn sjøvatnet i fjordane. Inne i den lukka Skjoldafjorden er det gjerne to-tre grader varmare enn på vestsida av Karmøy. Så skal du finna varmt badevatn anbefaler me å ta turen til Lie badeplass eller den ukjende perla Otertong på austsida av Skjoldafjorden, seier Sørensen.

Me tar med heile lista, så får lesarane våre kanskje inspirasjon til badeturar utanfor Sveio også. Friluftsrådet oppdaterer badetemperturen på nettsida si. Den finn du HER.