nyhende
Avgangselevar mistar alle aktivitetsdagar
Alt av opplegg som skal førebu 10. klassingane til å velga utdanningsprogram i mars 2021 er til no avlyst.
For å klara å stikka seg ut ein kurs vidare i livet, er det lærerikt for elevane å besøka potensielle vidaregåande skular. Likeeins det å besøka arbeidsplassar over nokre dagar for å sjå om elevane ser føre seg samsvarar med verkelegheita.
Yrkesmessa i Steinsvik Arena har nok vore eit høgdepunkt for fleire, der ein får snakka med folk frå mange ulike bransjar og utdanningsmoglegheiter.
No er alt avlyst på grunn av covid-19.
Uheldig
Sverre Halleraker, rådgjevar for yrkes- og utdanningsval på Sveio skule seier at dette er svært uheldig for elevane, som skulle hatt hospiteringsdagar på vidaregåande skular, samt jobb-dagar i vår. Denne hausten skulle dei hatt nye hospiteringsdagar og tre nye jobb-dagar, men det blir ikkje noko av grunna covid-19.
– I tillegg kjem avlysingane av yrkesmessa og utdanningsmessa. Aktivitetar som hospitering på vidaregåande skular og jobb-dagar og yrkesmessa er særs viktige for elevane i deira utdannings- og yrkesval, seier Halleraker.
Avlyser på Stord
Utdanningsmessa på Stord i januar 2021 er også avlyst, men tradisjonelt sett har ikkje Sveio-elevane besøkt messa på Stord dei siste åra.
Stord Rotary Klubb håpar at det kan la seg gjera å arrangera messa for Sunnhordland i januar 2022, og at oppslutnaden frå næringsliv og utdanningsinstitusjonar blir like god som andre år. Det seier prosjektleiar Kurt Grundvold i ei pressemelding.
