nyhende
Åtvarar mot glatte vegar heile nyttårsaftan
På store delar av Vestlandet og Rogaland er det gult farevarsel om fare for is på vegar og fortau.
Overgangen til mildvêr og regn har ført til at nedbøren som kjem frys til is på kald bakke. På grunn av dette har Yr sendt ut gult farevarsel om lokalt vanskelege køyreforhold. Varselet gjeld for heile nyttårsaftan.
Vestavind kjenner til at i det morgontimane var spinnglatt mange stadar i Sveio, også på delar av E39. Politiloggen melder om fleire utforkøyringar i distriktet som følge av det glatte føret, men førebels ingen i Sveio.
Broddar eller piggsko
Skal du ut på vegen, berekn ekstra tid til transport og køyring. Bruk riktige dekk og køyr etter forholda.
Skal du ut å gå, har Yr følgande melding: Vurder bruk av broddar eller piggsko på grunn av fare for hålkeføre. Ver merksam på at isen kan vera vanskeleg å sjå.
7 minusgrader i helga
Faren vil begynna å avta i 23.00-tida onsdag kveld, men det kan bli nytt farevarsel om kort tid igjen. Fredag meldes det om nytt omslag i vêret og gradestokken vil krypa under null.
Laurdag og søndag er det meldt blå grader i Sveio heilt ned til minus 7. Det kalde vintervêret ser ut å vara fram til rundt 12. januar, og det er også venta litt snø.
