nyhende
Åtte av ti sjøfuglar er borte
Åtte av ti sjøfuglar har forsvunne dei siste 50 åra og halvparten av artane er i faresona. No legg regjeringa fram fleire tiltak for å betre situasjonen.
Noreg er heim for mange sjøfuglar, men situasjonen er kritisk, skriv Klima- og miljødepartementet i ei pressemelding.
Nesten halvparten av artane står i fare for å bli utrydda.
Klimaendringar
– Sjøfuglane har alltid vore ein viktig del av kulturen og identiteten vår. Vi har eit særleg ansvar for å ta vare på desse artane. Vi må gjere det vi kan for å snu denne situasjonen, seier klima- og miljøminister Andreas Bjelland Eriksen i pressemeldinga.
Klimaendringar peikar seg ut som den viktigaste påverknadsfaktoren på sjøfugl, gjerne i kombinasjon med redusert tilgang på mat, ifølgje departementet.
– Det finst ikkje enkle grep for å betre situasjonen, særleg fordi klimaendringane treffer mange av artane tungt, seier Bjelland Eriksen.
Foreslåtte tiltak
Regjeringa har som mål at dei negative påverkingane på sjøfugl er reduserte innan 2035. Nokre av dei foreslåtte tiltaka er:
- Tiltak retta mot havnæringane: Mellom anna krav om at tarenæringa dokumenterer korleis ho påverkar sjøfuglar.
- Meir internasjonalt samarbeid, mellom anna om fugleinfluensa og kamp mot plast.
- Mindre døying: Tiltak for å hindre at sjøfugl blir teken som bifangst, og strengare regulering av menneskeleg ferdsel.
