Årsmøte i pårørande­foreininga ved Sveio omsorgssenter

Det blei avvikla årsmøte i pårørandeforeininga 15. januar. Her møtte i alt 22 personar. Årsmeldinga kunne fortelja om eit aktivt år der foreininga har arrangert 10 kaffikos for pårørande og bebuarar. Desse tilstellingane inneheld både underhaldning, allsong, utlodning i tillegg til heimebakst og kaffi.

Pårørandeforeinga hjelpte også til på sommarfesten i juni og adventsfesten før jul. Den årlege blåturen i juni gjekk i år til Visnes, der me fekk god middag med dessert og kaffi i Fransehagen. Tidlegare rådmann i Sveio, Odd Henry Dahle, fortalde om liv og lagnad på Visnes i tida med gruvedrift.

Siste post i 2025 var juletrefesten med gong rundt juletreet, synging av julesongar og sjølsagt julebakst og kaffi.

Styret i pårørandeforeininga:

• Jan Enerstvedt, leiar
• Bodil Vihovde, kasserar og nestleiar
• Margareth Tislevoll, skrivar
• Astrid Sveen, styremedlem
• Ragnhild Sæverhagen, styremedlem

Støttegruppa består av :

• Reidun Aarestad
• Else Karin Tollaksen
• Anne Elise Vallestad
• Solveig Hovda
• Reidun Haukås 
• Kåre Bua
• Gunn Hemmingsen

Jan Enerstvedt, leiar