nyhende
Under rehabilitering:
Arbeid på Førde kyrkje
Førde kyrkje blir rehabilitert utvendig. Arbeidet starta i juli, og skal etter planen vera ferdig til 1. oktober.
Kyrkjebygget frå 1938 treng fleire utbetringar. Alle fasadar, inkludert skifertaket skal reingjerast.
Kyrkjetårnet treng nytt kopardekke og nytt sutak, murveggane har ein del riper og sprekker som
treng reparasjon. Utvendige flatar – også vindauge og dører skal malast og utbetrast der det trengst.
Per Riise i Sveio kommune, fortel at arbeidet med reingjering av skifer og montering av stillas starta i juni.
– Malarar, murarar, tømrarar og blikkenslagarar startar opp i midten av august, opplyser prosjekt- og byggjeleiaren. Kontraktssummen på arbeidet er omlag 2 millionar kroner.
Sveiokyrkja opplyser at kyrkja vil vera i ordinær drift i heile perioden arbeidet pågår. Det blir oppmoda å ta omsyn til arbeidet når ein besøker kyrkja og gravplassen – for eigen og andre si sikkerheit.
Skjold-verksemda Haakull & Ersland AS utfører arbeidet som totalentreprise.
