Les Vestavind GRATIS fram til vår nye abonnementsløysing er på plass!
nyhende
Dagens jule-enquete:
22. desember
I dagane framover vil sveibuane fortelja om juleønske, julemat og kva dei gler seg mest til i 2026.
Kåre Bua (74), Buavåg
– Kva håpar du å få i julegåve i år?
– Eg er såpass gammal at det er eg som gjev gåvene, men eg håpar å feire jula saman med familien, slik eg alltid gjer.
– Kva er favorittjulematen din?
– Eks-kona mi likte ribbe, så det har blitt mykje av det opp gjennom åra, men eg er òg glad i pinnekjøt. Til drikke har eg gjerne litt juleakevitt eller ein god, kald, alkoholfri juleøl. Til dessert har det alltid vore riskrem for meg.
Annonse
– Kva gleder du deg mest til i 2026?
– Kva eg gler meg mest til? Nei, eg håpar berre at helsa står og går, slik ho alltid har gjort.
Nicholas Miljeteig Braadland (15), Rophus
– Kva håpar du å få i julegåve i år?
– Eg ønskjer meg ein Apple TV, fordi PlayStationen min byrjar å bli gammal.
Annonse
– Kva er favorittjulematen din?
– Ribbe. Til drikke likar eg raud julebrus. Til dessert er det riskrem.
– Kva gleder du deg mest til i 2026?
– Eg gler meg til strandturar og sommar, og til å bli sterkare.
