19. desember

Solfrid Hjortland Kinn (51), Auklandshamn

– Kva håpar du å få i julegåve?
– Eg håpar å få fine turopplevingar og at eg får oppretthalda ei god helse. Det vil eg gjerne «finna under treet».

– Kva er din favorittjulemat?
– Pinnekjøt er utan tvil favorittmaten til jul.

– Kva gler du det mest til i 2026?
– Eg gler meg til opplevingar med familie og vener som kan gi gode minne.  Eg håpar at eg greier å setja av nok tid til å vera saman med dei.

Martin Lundås (33), Valestrand

– Kva håpar du å få i julegåve?
– Eg håpar først og fremst å koma heim til jul. Eg jobbar nemleg offshore og har heimreisedag på julaftan.

– Kva er din favorittjulemat?
– Julematfavoritten er pinnekjøt.

– Kva gler du det mest til i 2026?
– Ingen særskilte høgdepunkt eg ser fram til, men eg håpar at ungane held seg friske og at det går bra med heile familien.