nyhende
14. året med marsj i Førde
Søndag 7. juni blir det skaparverkets dag i Førde. Det startar med gudsteneste i Førde kyrkje der ein fokuserer på skaparverket og dei utfordringane mennesket står ovanfor i samband med skaparverket.
Etter gudstenesta blir det kyrkjekaffi i Prestehagen, der Førde kvinne- og familielag stiller med bollar, kaffi og saft. Deretter blir det turstimarsj på stiane i Førde. I år er det 14 års jubileum for marsjen, som går gjennom den vakre rhododendronparken.
– Me pleier å ha ein stopp ved statua «Tru, håp og kjærleik» som Kenneth Ravn Ottesen har laga, men på grunn av Korona-situasjonen blir nok denne plassen for trang. Me kan ikkje hopa oss saman slik som før, det blir nok ein lang strek gjennom parken i år, seier sokneprest Arild Steinsland. Han er svært glad for at årets arrangement likevel kunne gjennomførast.
