Samla inn 18.000 til SOS Barnebyer

Av denne summen blei 10.021 kroner betalt inn på Vipps direkte til SOS Barnebyer, som stadfestar summen. Pengane fekk elevane inn gjennom loddsal, sal av ting dei sjølve hadde laga og ulike andre aktivitetar.

Mellom produkta som var til sals, var ei innhaldsrik skuleavis som 5.-7. klasse hadde vore saman om å laga. Firma og enkeltpersonar hadde medverka med flotte gevinstar som mange hadde lyst å sikra seg.

Publikum besto for det meste av foreldre, besteforeldre og andre slektningar, men også tidlegare elevar og tilsette. Elevane hadde denne gongen også invitert ordførar André Mundal Haukås til aksjonsdagen.

Han var med under heile arrangementet og heldt appell til slutt der han roste opplegget og understreka kor viktig det er å bry seg om kvarandre, både i nærmiljøet og i andre land der born og vaksne lever under heilt andre vilkår enn i Sveio.

Einar Vestvik