Over 100 små og store på juletrefest

– Det er heilt magisk, sa ein strålande Asbjørn Natås om å vera med barnebarn på juletrefest.

Bente Hovland Johannessen leia juletrefesten i Sveio soknehus, der det var samla vel 100 vaksne og barn. Det var fleire rundar med gang rundt juletreet, brus- og kaffistund med julebakst, og nissen kom innom.

Trusoplærar i Sveio kyrkje, Sissel Fjellsbø, var sentral i formidlinga av sitt eige julespel med korsang, bilde og juleforteljing. Den handlar om engelen Vetle som oppdagar julemysteriet i Betlehem.

– Det var veldig kjekt å få gjera juleforteljinga saman med koret Ad Libitum, som framførte julesongsane i juleforteljinga,sa Fjellsbø.

Ho har vore tilsett som trusopplærar i Sveio kyrkje sidan august.  Ho kjenner seg godt tatt imot, og formidlar at folk er opne og imøtekommande.

Bent Rune Sinnes