lesarbidrag
Nybygd stall og krubbe på plass ved soknehuset
Fer du gjennom sentrum i Sveio, ser du ein stall med ei stjerne som lyser i hjørnet av parkeringsplassen mellom kyrkja og soknehuset.
Sveio sokneråd ville få sett opp ein stall som ein stad der folk kan komma og sjå og oppleva i tida mellom 1. søndag i advent og Helligtrekongers dag den 6. januar.
Tømrarlaget Rossehaug & Bøe as fekk oppdraget å setja opp stallen og laga krubbe. Bagne Elektro drog fram straum til stallen, slik at det kunne bli lys i stjerna. Stjerna er laga av Kåre Haukås. Leiv Rossehaug kom med høy til krubbe og stall.
No manglar det menneske i stallen. Condor har skaffa oss dokker som me kan kle på. Klede er under produksjon ved symaskinen. Planen er å kle opp Josef, Maria og ein gjetar fredag 4. desember. Utover i adventstida vil det komma meir innhald i stallen.
Barnehagegrupper, klassegrupper eller andre kan besøkja stallen og få eit enkelt opplegg rundt stallen. Me gler oss over stallen, som kan vera med å gje eit lysglimt og formidling av juleevangeliet i adventstida.
Haldis Rolfsnes Stueland
kyrkjelydspedagog
