Jubileumstur i Bua kvinne- og familielag

Tåkeskyene letta då me kom fram til Hufthamartunet der me blei møtte av ei blid dame frå Austevoll kommune. Me fekk god omvisning og tid til å rusla rundt. Deretter bar det til Bakkasundet. Her fekk Joker-butikken god avsetnad på is og boller som me nytte i solveggen.

Me var utom Kalve, og me enda opp i Bekkjarvik – med tid til shopping, tur i parken eller på utekafeen ved senteret.

Høgdepunktet var likevel middagen i Bekkjarvik gjestgjeveri. Fine festbord møtte oss før me fekk servert nydeleg middag og dessert. Litt historisk tilbakeblikk, quiz og noko å le av blei det også tid til.

Ein nøgd gjeng avslutta dagen på ferja mellom Husavik og Sandvikvåg.

Jubileumskomiteen
Solveig, Ingebjørg og Astrid