lesarbidrag
Friluftsliv og naturgleder under nordnorsk himmel
Måndag kjem tidlegare lektor Sjur Lothe til Sveio senioruniversitet. Gjennom heile livet har han hatt ei lidenskapeleg dragning til fiske og friluftsliv.
I løpet av dei siste 10 åra har han halde ei rekkje naturforedrag om stader han har reist til, som Alaska, Canada, Svalbard, Grønland og fleire stader i Norge. I det siste har han også halde fleire kåseri om Helge Ingstad sine reiser i Arktis.
Tidlegare tilhøyrarar har ofte framheva Sjur Lothe si evne til å formidla stemningar kombinert med ei god dose humor. Foredraget på senioruniversitetet vil hovedsakeleg dreia seg om opplevingar frå Sørøya i Vest-Finnmark. Det blir også nokre innslag frå heimkommunen Sveio.
Innleiingsvis vil Sjur Lothe fortelja om episoder frå Hardanger. Sjå annonse i avisa – og facebooksida til Sveio senioruniversitet.
Helge Matre
