kultur
Kjerefolk byr på folkrock i Valestrand
Likar du folkrock, er kulturkyrja i Valestrand rette staden å vera laurdag. Repertoaret er i hovudsak britisk folkemusikk sprita opp av blant andre grupper som Steeleye Span og Fairport Convention, samt Kjerefolk sine egne versjonar.
Kjerefolk er samansett av erfarne og kjente musikarar frå det bergenske musikkmiljøet og består av:
Kjersti Berge, som kanskje er mest kjent for sveibuane som ein av tre i Kvinner på Randen. Songaren og skodespelaren frå Bergen har deltek i ei rekke musikalar, teaterforestillingar og tv-show. No har ho permisjon frå stillinga som dagleg leiar i det multikulturelle sceneforetaket Fargespill, for igjen å gjera forestillingar med Kvinner på Randen og konsertar med Kjerefolk.
Lasse Berntzen er biletkunstnar, designar og musikar. Han har vore med i grupper som Hole In The Wall, Nøkken og Revolver. No sørgar han for vakre klangar og tøffe riff i Kjerefolk.
Inge Glambek er kirurg og musikar. Han har spelt i grupper som Thyme, Hole in the Wall, Heimalanne og Revolver. Han har også vore hyppig brukt som studiomusikar for ei rekke artistar. I Kjerefolk vekslar han mellom fem ulike strengeinstrument, med og utan boge.
Rolf Skogstrand har lang fartstid i musikkmiljøet i Bergen med grupper som legendariske SAFT, Hoolegans, Human Beings, Helge Nilsens Orkester og Revolver. No er han mest aktiv som stødig bassist i Kjerefolk.
Egil Haugland er klassisk gitarist og gitarbyggar. Han har hatt ei rekke konserter i Noreg og Europa, samt fleire albuminnspelingar i tillegg til å vera 1.amanuensis ved Høgskulen på Vestlandet. I Kjerefolk konverterer han frå klassisk til folkrock.
