Moderne bruk av gamle hytter og hus aukar risikoen for elektriske brannar

Mange nye hytteeigarar har kjøpt eldre hytter med sikringsskap som ikkje taklar moderne bruk.

Stian Ekhougen, el-kontrollør og dagleg leiar hos Minel Drøbak Elektriske, åtvarar:

– Ikkje dimensjonert

– Når du tar i bruk eit elektrisk anlegg frå 60-talet med brukarvanane frå 2025, så er det ikkje dimensjonert for forbruket. Det er snakk om når og ikkje om det blir branntilløp.

Skadeførebyggjar Therese Hofstad-Nielsen frå Fremtind understrekar kor viktig det er med regelmessig kontroll:

– Hytta er ofte familien sin fristad med enormt mykje arbeid som er lagt ned, ofte gjennom generasjonar. Då er det verdt å ta ein grundig sjekk ein gong iblant og byte ut det du treng.

Oppstår brann på uventa stader

Ekspertar rår hytteeigarar til å sjekke sikringsskapet for teikn på overoppheting, som varme, misfarging, brent lukt eller knitring. Det er også viktig å kontrollere jordfeilbrytaren og overspenningsvernet regelmessig.

Ekhougen påpeikar at brannar ofte oppstår på uventa stader i eldre elektriske anlegg.