Februar er beste den månaden å måla panel

Treverk er eit hygroskopisk materiale. Det betyr at det svell og krympar gjennom året. Når luftfukta er høg sommar og haust, trekker treverket til seg denne fukta og svell. Mest av alt i breidda. Når luftfukta er låg, gir treverket frå seg denne fukta, og tørkar ut.

Det er derfor du no ser sprekkar i både parkett og panel. Februar er nemleg månaden der treverket ikkje har meir fukt å gi frå seg, og det er tørt etter fleire månader med oppvarming og fyring.

Dette kan du bruka strategisk, for eksempel om du skal å måla panel.

Krympesprekkar

Treverk bevegar seg heile året, men måling er langt mindre fleksibel. Når panelet krympar kan det bli danna såkalla krympesprekkar. Då ser du enten den forrige målinga, eller rett på bart treverk.

– På kvar side av eit panelbord som er 12 cm breitt kan du i februar få krympesprekkar på opptil 1,5 millimeter, dersom du har måla det i august, seier teknisk rådgiver i IFI, Chera Westman.

IFI – informasjonskontoret for farge og interiør, er interesseorganisasjonen for målarbransjen i Noreg.

Ideelt å måla no

Dei to-tre første månadane i året er den perfekte tida for å måla treverk innandørs

– Det er ideelt å måla panel i februar, alternativt overgangen februar til mars. Då slepp du å få krympesprekar som ofte oppstår på målte panel, seier Rune Nygaard, målarmeister og distriktssjef hos Alcro.

Målar og teknisk sjef hos Nordsjö, Per Myhre, er einig med Nygaard.

– Mål når panelet er som tørrast. Panelet vil fortsatt svella og krympa i takt med sesongane, men sidan det er måla på sitt tørraste vil krympesprekkane ikkje bli like skjemmande, seier Myhre.

Vel rett type måling

Å velja rett type måling er også viktig. Vanleg veggmåling vil fungera dårleg, så vel måling som er berekna på tre og panel.

– Til panel i tak og på vegg er det vanleg å bruka mellom 5 og 15 glans. Ein fin effekt kan vera å bruka ei måling i same farge, men i ein høgare glans, når du målar lister, vindu, dører og andre detaljar i rommet, tipsar Myhre.

Bestem deg for kva farge du vil ha, og finn ei helg der du har tid til å setta i gong. Det er også lurt å handla inn det du treng av verktøy og utstyr i forkant. Då slepp du stopp i arbeidet på grunn av opningstidene på næraste fargehandel om du plutseleg ser eit hol i kalenderen og lysten til å måla kjem over deg.