nyhende
Vinmonopolet ventar salshopp før 17. mai
Vinmonopolet ventar ein salsauke på nesten 50 prosent denne veka, samanlikna med ei vanleg veke. Ikkje overraskande er det musserande vin som er salsvinnaren.
– Til påske sel vi rundt 2,2 millionar liter. Vi forventar omtrent det same no i denne veka, seier Halvor Bing Lorentzen, samfunns- og styresmaktskontakt hos Vinmonopolet til ABC Nyheter.
Det vil seie at Vinmonopolet ventar å selje over 46 prosent meir denne veka samanlikna med ei vanleg veke.
Det er musserande vin det pleier å gå mest av rundt nasjonaldagen.
– Omsetninga av musserande har ein topp rundt 17. mai, faktisk meir enn til nyttår om ein ser på fjoråret, seier Lorentzen.
Annonse
Dei sel også meir alkoholfritt rundt 17. mai.
(©NPK)
