Vil stoppa ny debatt om skulestruktur

Dei fire partia har 14 representantar og dermed fleirtal i kommunestyet.

– Samarbeida har i si politiske plattform lagt til grunn vidareføring av dagens skulestruktur og ser ingen grunn til å utgreia dette no. Me vil støtta rådmannen sitt alternativ 2 i sama om skulebruksplan. Dette inneber at vidare utgreiing av skulestrukturen i Sveio blir stoppa, heiter det i pressemeldinga.

To alternativ

Rådmannen har laga sak om skulebruksplanen med tilvising til kommunestyresak 022/21. Denne saka kjem opp til behandling i houvdutval oppvekst og kultur (HOK) måndag 14. oktober. Rådmannen har kome med to alternative forslag til vedtak. Alternativ 1 har følgjande ordlyd:

– Sveio kommunestyre syner til vedtak i sak 022/21 og ber rådmannen starta arbeidet med revidering av skulebruksplanen.

Alternativ 2, som samarbeidspartia støttar, lyder slik:

– Punkt 2 i kommunestyret sitt vedtak i sak 022/21 blir oppheva. Sveio kommunestyre ønskjer ikkje å gjera endringar i skulestrukturen på det noverande tidspunkt.

Under 40 elevar

Det var i april 2021 kommunestyret fatta sitt vedtak i sak 022/21 som innebar at Auklandshamn og Valestrand skular blei berga frå nedlegging. Punkt 2 i dette vedtaket lyder slik:

– Dersom gjennomsnittleg elevtal per 1. oktober kvart år fell under 40 i to samanhengande år, skal rådmannen starta autarbeiding av aei sak med tanke på nedlegging av den aktuelle skulen.

No er situasjonen slik at elevtalet ved både Auklandshamn skule og Valestrand oppvekstsenter si skuleavdeling vil vera under 40. Dette er bakgrunnen for saka som no kjem opp i HOK og skal gå vidare til formannskap og kommunestyre.

 – Ønskjer stabilitet

– Me ønskjer ro rundt skulestrukturen og vil bidra til stabilitet og ein føreseieleg stituasjon for både elevar, foreldre og tilsette. I tillegg meiner me dette vil leggja til rette for levande bygder og framtidig utvikling og vekst i kommunen, seier Høgre sin gruppeleiar John Kristian Økland (H) på vegne av si partigruppe.

Alle Høgre sine representantar kjem til å støtta fellesforslaget, og Økland reknar med at det same også vil vera tilfelle for dei andre samarbeidspartia.

Imot overkøyring

– Me i Sveio KrF ser både positive og negative konsekvensar med ei endring av skulestrukturen. Det me ikkje finn oss i er ein ny prosess der FAU, foreldre, brukarane og bygdene blir overkøyrde, skriv KrF sin gruppeleiar Sondre Natås Strand i ein kommentar.

Og kan legg til:

– For oss er velferden til barna det viktigaste, og dei vil bli høyrde av oss. Sidan me ikkje har motteke nokon signal frå FAU om manglande trivsel eller dårleg læringsmiljø, vil ikkje skulestrukturen bli teken opp til vurdering frå vår side, og me støttar oss til avtalen med samarbeidspartia våre.