nyhende
– Vil fylket droppa trafikksikring?
– Vil turveg som skuleveg i Auklandshamn føra til at fylkeskommunen droppar eller utset trafikksirkingstiltak langs fylkesvegen?
Det undra Asle G. Halleraker (TvF) seg over på kommunestyremøtet måndag.
Halleraker ville også vita noko om ressursbruken i samband med planlegginga av turveg som skuleveg, og om det har vore kontakt med fylkeskommunen i denne saka.
– Sit fylkeskommunen sine folk kanhende og gnir seg i hendene med tanke på kva dei kan spara dersom kommunen byggjer ut skuleveg på eiga hand, ville TvF-representanten vita.
Rådmann Jostein Førre stadfesta at det går tid til å planleggja tur/skulevegprosjektet. Han lova meir omfattande orientering om dette i neste møteserie.
– Om fylkeskommunen sine folk gnir seg i hendene, får dei sjølve svara på. Me har hatt mange møte med fylkeskommunen, men ikkje lukkast med å koma fram til felles planlegging av sikker skuleveg i Auklandshamn, sa rådmannen mellom anna.
