Vierdal og Hardeland fekk flest stemmer

Både i Sveio sokn og Valestrand og Førde sokn har veljarane gjort mange endringar på nominasjonskomiteane sine lister.

I Valestrand og Førde sokn, er det berre Tor Helge Hardeland som er stemt inn på same plass som han var nominert.

– Kyrkjedemokratiet lever

I Sveio sokn er Hildur Larsen den einaste som er valt inn på plassen ho var nominert til: 5. plass. Anne Vierdal har rykka opp frå 2. til 1. plass. Rune Hjelmeseter som var nominert på 1. plass, er stemt inn til 4. plass.

I Sveio er det føyd til tre namn, og i Valestrand og Føre eitt namn.

– Det er svært gledeleg å sjå at nominasjonskomiten si liste ved kyrkjevalet i Sveio sokn har blitt brukt og justert. Mange av kandidatane har fått tilleggsstemmer. Dette viser at veljarane har engasjert seg i kyrkjevalet og sett sitt preg på sammensettinga av det nye soknerådet i Sveio. Dette viser at kyrkjedemokratiet lever, sieer Bent Rune Sinnes, leiar av valstyret i Sveio sokn.

31 og 24 prosent stemte digitalt

I år var det digital førehandsstemming ved kyrkjavalet. 31 prosent av dei som stemte i Valestrand og Førde har brukt digital stemming. Dei 142 stemmene totalt fordelte seg på 97 på papir og 45 digitalt.

I Sveio blei det avlagt 295 stemmer, 223 på papir og 72 digitalt. Det vil seia at 24 prosent stemte digitalt.

Sokneråda vel leiar når dei konstituerer seg i oktober. Det er altså ikkje automatikk i at den som får flest stemmer ved valet blir leiar. Anne Vierdal er tilsett ved staben i Sveio sokn, og det kan gjera at det blir valt ein annan leiar enn henne.

Tor Helge Hardeland blei valt inn for første gong i 2009, og han går i gong med sin femte periode i Valestrand og Førde. At han blir leiar er rimeleg å tru, også med tanke på at det er stor utskifting i soknerådet.

Sveio sokneråd

Her stemte 295 av 2.427 stemmeberettiga i soknet. Valdeltakinga var 12 prosent, og 7 veljarar var under 18 år. Ei stemme vart forkasta.

Faste medlemmer:

• Anne Vierdal – 366 stemmer
• Solfrid Lier Habbestad – 357 stemmer
• Bente Hovland Johannessen – 355 stemmer
• Rune Hjelmeseter – 342 stemmer
• Hildur Larsen – 339 stemmer
• Astrid Yasmin Furdal – 334 stemmer
• Leiv Rossehaug – 330 stemmer
• Sigrund Breistig – 328 stemmer

Varamedlemmer:

• Kjell Gunnar Nymark – 311 stemmer
• Lars Severin Reinersen – 307 stemmer
• Magnus Tveit – 1 stemme, tilføyd namn
• Lars Edvart Larsen – 1 stemme, tilføyd namn
• Rikard Stokkenes – 1 stemme, tilføyd namn

Valestrand og Førde

Her stemte 142 av 1.233 stemmeberettiga i soknet. Valdeltakinga var 12 prosent, og ingen veljarar var under 18 år. Ei stemme vart forkasta.

Faste medlemmer:

• Tor Helge Hardeland – 176 stemmer
• Wenche Strømøy – 173 stemmer
• Solveig Margrethe Brynjelsen – 160 stemmer
• Jostein Malvin Valen – 159 stemmer
• Anne Mari Engeset – 155 stemmer
• Else Mønnich Egenberg – 155 stemmer
• Tove Maryanne Bjørge Ottesen – 155 stemmer
• Tatjana Stepanova – 153 stemmer

Varamedlemmer:

• Sigmund Skard – 152 stemmer
• Elisabeth Reiersen – 151 stemmer
• Martin Gerhard Haugland – 1 stemme, tilføyd namn

Merknad: Bent Rune Sinnes er styreleiar i Vestavind. Han har ikkje hatt noko innverknad på den redaksjonelle vurderinga av saka.