nyhende
Uvanleg høg vasstand
Arild Wiersen har sendt oss desse bilda, som viser svært høg vasstand langs Førde-stranda ved middagstider onsdag.
Dette samsvarar med Kartverket si nettside sehavniva.no. Den viser at havnivået har vore høgt og over berekna tidevassnivå dei siste dagane.
– Eg har aldri sett så høg vannstand der før. Det var bare såvidt det gjekk å gå tørrskodd ved nausta mot Rex Garden, skriv Wiersen til Vestavind.
Karverket og Havforskningsinstituttet har ikkje målestasjonar for vasstand nær Førde. Ifølge målingane dei har, er det ikkje registrert stormflo, men springflo som skuldast ein kombinasjon av månefase og lågtrykk.
