nyhende
Utset planarbeid for fleirbrukshall
Hovudutval for oppvekst og kultur tilrår at det vidare arbeiet for utbygging av fleirbrukshall/idrettsanlegg blir utsett inntil vidare. Status for arbeidet skal leggjast fram i andre møteserie hausten 2020.
Første del av tilrådinga er i tråd med rådmannen sitt forslag. Rådmannen foreslo vidare at ny sak skulle leggjast fram i andre møteserie hausten 2021, men så lenge var altså ikkje politikarane villige til å venta.
Rådmannen si grunngjeving for utsetjing og ny sak var både behovet for å avklara kva anlegg som trengst, og kostnadene dette vil medføra. Dette gjeld både investeringar og drift.
