nyhende
Tingrettar blir ein felles domstol
Frå og med måndag 26. april blir Sunnhordland tingrett og Haugaland tingrett slått saman til ein felles domstol; Haugaland og Sunnhordland tingrett.
Den nye rettskrinsen består av kommunane Bømlo, Fitjar, Kvinnherad, Stord, Sveio, Tysnes, Bokn, Etne, Haugesund, Karmøy, Sauda, Suldal, Tysvær, Vindafjord og Utsira.
– Domstolen vil ha aktivitet på begge rettsstadane der dei tidlegare tingrettane heldt til, nemleg i Haugesund og på Stord, blir det opplyst i ei pressemelding, signert administrasjonsjef Geir Ståle Nordstrøm ved Haugaland tingrett.
Ny domstolstruktur
Bakgrunnen for samanslåinga er Stortinget sitt vedtak om ny domstolsstruktur for jordskifte- og tingrettane. Det betyr at dagens 60 tingrettar blir slått saman til 23, og dagens jordskifterettar går frå 34 til 19 i talet.
Sakene skal i utgangspunktet behandlast ved den rettsstaden der dei høyrer heime geografisk. Saker som har tilknytning til Bømlo, Fitjar, Kvinnherad, Stord, Sveio og Tysnes kommune, vil som hovudregel bli behandla på Stord. Medan saker som har tilknytning til Bokn, Etne, Haugesund, Karmøy, Sauda, Suldal, Tysvær, Vindafjord og Utsira kommune normalt vil bli behandla i Haugesund.
Periodevis driftsavbrot
Grunna omlegging av domstolane sine datasystem vil somstolane vera utilgjengelege i peridar frå torsdag 22. april fram til måndag 14. juni, blir det opplyst i pressemeldinga.
