Bli abonnent
Logg inn

nyhende

Byggjer ut Sveio golfpark for 16,8 millionar kroner

Det har lenge vore snakk om ny driving range, og no nærmar det seg for kvar dag. Gavin Hinds i Sveio Golfpark har også fått eit nytt servicebygg som ivaretar maskinar, bilar og golfarar.
Det har lenge vore snakk om ny driving range, og no nærmar det seg for kvar dag. Gavin Hinds i Sveio Golfpark har også fått eit nytt servicebygg som ivaretar maskinar, bilar og golfarar.
Sveio golfpark ny driving range servicebygg dronefoto 16.02.21
Planområdet ved Sveio Golfpark skal utvidast med 60 mål.ARKIVFOTO
Slik ser det ut i underetasjen på servicebygget – garasje for alle moglege maskinar som skal ta vare på golfbana og omgivnadane. Golfbilane skal opp éin etasje.
Slik ser det ut i underetasjen på servicebygget – garasje for alle moglege maskinar som skal ta vare på golfbana og omgivnadane. Golfbilane skal opp éin etasje.
– Der borte kjem 9-holsbana, seier Gavin Hinds, men understrekar at det vil ta ei tid før den er klar, då ein halvpart av bana ikkje er ferdig regulert. Varaordførar Ruth G. Østebøvik Eriksen, som fekk ein liten, spontan omvisning av golfpark-leiaren denne veka gler til bana er klar. – Eg har ikkje tålmod til å spela 18-hol, ler ho.
– Der borte kjem 9-holsbana, seier Gavin Hinds, men understrekar at det vil ta ei tid før den er klar, då ein halvpart av bana ikkje er ferdig regulert. Varaordførar Ruth G. Østebøvik Eriksen, som fekk ein liten, spontan omvisning av golfpark-leiaren denne veka gler til bana er klar. – Eg har ikkje tålmod til å spela 18-hol, ler ho.
Framfor eit spel på ein snødekt golfbane, har kameratane rigga seg til inne med kaffi og wienerstang frå Haugli Bakeri. No er det Lars Dalland sin tur. Trackman-simulatoren er den mest avanserte som finst i verda.
Framfor eit spel på ein snødekt golfbane, har kameratane rigga seg til inne med kaffi og wienerstang frå Haugli Bakeri. No er det Lars Dalland sin tur. Trackman-simulatoren er den mest avanserte som finst i verda.
Dei tre golfkameratane, som eigentleg er fire, har spelt i Sveio sidan banen opna, no er dei innom fast kvar tysdag. Terje Apeland er klar til å slå golfballen i lerretet. Lars Dalland og Dag Roness ventar på tur.
Dei tre golfkameratane, som eigentleg er fire, har spelt i Sveio sidan banen opna, no er dei innom fast kvar tysdag. Terje Apeland er klar til å slå golfballen i lerretet. Lars Dalland og Dag Roness ventar på tur.
Denne godt vaksne trioen frå Haugesund kosar seg med den topp moderne trackman-simulatoren som står i det nye servicebygget. Men fruene får dei ikkje med på dette spelet – dei set heller pris på autentisk spel i det fri. F.v. Terje Apeland, Dag Roness og Lars Dalland.
Denne godt vaksne trioen frå Haugesund kosar seg med den topp moderne trackman-simulatoren som står i det nye servicebygget. Men fruene får dei ikkje med på dette spelet – dei set heller pris på autentisk spel i det fri. F.v. Terje Apeland, Dag Roness og Lars Dalland.

Tilbodet til golfarar er styrka – og medlemslista veks

Medan greenen har vore meir kvit enn grøn den siste tida, har golfarane nytta godt av den topp moderne simulatoren i det nye servicebygget. Det er gode tider for Haugaland Golfklubb, som det siste året har fått mange unge spelarar inn på bana – mange av dei besøker Sveio Golfpark.

Publisert Sist oppdatert

Ein skulle gjerne ikkje tru det, men vekevis med snø og frost har gjort godt for ny driving range og 9-holsbanen som tar form på Sveio golfpark. Maskinane som har dura og gått sidan september 2019 har i vinter fått seg ein pause, medan topplaget godgjer seg.

Skal så i år

– Alt går etter planen. Hovuddelen av arbeidet er ferdig, me har venta på frosten, den bidrar til å bryta opp jorda som ligg utover, og bidrar til kultivering. Dette er for å betra både jordkvalitet og drenering, seier Per Bjørn Habbestad, styreleiar i Sveio Golfpark AS.

Det nye servicebygget med offentleg toalett ligg framføre klubbhuset. Framføre nybygget kjem ny driving range, og bak 9-holsbana, men det blir ei stund til. Det vil også bli utslagsplass til driving range frå parkeringsplassen – og straumopplegg for to bubilar.

Når det vårast vil ein leggja igjen vegar som går i systemet. Plukka stein, gjødsla og så i – i beste fall er alt klart i inneverande år.

Meir proff-venleg

– Eg har gleda meg lenge, eg har vore tilsett her i 11 år. Det har lenge vore snakka om ny range, seier den irske golfproffen Gavin Hinds, som er dagleg leiar i Sveio Golfpark.

På ein driving range kan golfarar slå ut ballar på eit ope område, og øva på golfsvingen. Den gamle ligg ved Albatross senter, og nært opp til eit bustadfelt. Banen er berre 180 meter lang, og i kortaste laget for mange.

– Det er alt for begrensa. Med ny range vil treningstilbodet vårt bli så mykje betre for alle, frå nybegynnarar til elitespelarar. Nybegynnarar som ikkje heilt har kontroll kan slå skeivt, medan elitespelarane kan slå langt, forklarar Hinds.

Det ligg også til rette for å ta imot profesjonelle spelarar, og arrangera turneringar med trenings-fasilitetar for eliten.

Han håpar at det blir opning av utslagsfeltet, som har eit eige område for nærspel i august.

Mange nye medlemmer

Korona har ikkje påverka golfmiljøet negativt.Tvert om har det vore ei solid auke i tal medlemmer i Haugaland Golfklubb, og då av den yngre sorten.

– Kven er dei nye medlemmene?
– Fotballspelarar. Då dei ikkje fekk trena måtte dei finna på noko anna, forklarar Hinds.

Og at nokon begynner med sporten, har ein positiv effekt, slik at fleire også får lyst til å prøva. I følgje Hinds kjem dei nye medlemmene frå både Sveio og distriktet rundt oss. No er det rundt 1000 medlemmer i Haugaland Golfklubb, rundt 650 av dei har heimebana si i Sveio.

– Mange kjem her berre for å spela, mange tar seg ein dagstur frå Bergen og Stavanger. Me såg alt ein positiv verknad i 2019, eg håpar me kan veksa vidare i 2021.

Populær simulator

Det er Haugaland Golfklubb som er formell prosjekteigar for servicebygget, driving range og 9-holsbana.

Slik ser det ut i underetasjen på servicebygget – garasje for alle moglege maskinar som skal ta vare på golfbana og omgivnadane. Golfbilane skal opp éin etasje.

Servicebygget i to etasjar er klart og tatt i bruk. Første etasje fungerer som garasje for maskinar og utstyr til golfparken, som består av 25 ulike maskinar.

I andre etasje er det garasje for golfbilar, og her skal det bli sju utslagsplassar til driving range.

Her er også treningsstudio med det beste treningsverktøyet som er tilgjengeleg, ein trackman-simulator. Den opna i desember, og har vore godt brukt sidan, døgeret rundt – 12-13 timar dagleg.

Manglar éin ting

– Ein kan skyta ballen i eit lerret, men ein vil også kunna opna ein garasjeport og skyta ballen ut på rangen. Ein vil då få opp alle moglege opplysningar slik som fart, skru, lengde, smiler Hinds, som tydeleg er stolt over korleis ting lagar seg. Folk kjem frå Austlandet eins ærend for å spela, mange skryt over anlegget, og no skal fasilitetane bli enda betre.

Denne godt vaksne trioen frå Haugesund kosar seg med den topp moderne trackman-simulatoren som står i det nye servicebygget. Men fruene får dei ikkje med på dette spelet – dei set heller pris på autentisk spel i det fri. F.v. Terje Apeland, Dag Roness og Lars Dalland.

– Kva manglar du no?
– Overnattingmoglegheiter. Me har eit godt samarbeid med Albatross Spa, og Scandic Maritim Hotel i byen. I fjor kom rundt 500 overnattingar frå klubben, opplyser han.

Prosjektet

Prosjektramma totalt er på 16,8 millionar kroner.

– Finansieringa er ein komposisjon av ei rekke ulike element. Tippemidlar, momsrefusjon, dugnad, tilskot frå golfparken, frikjøp av gamal driving range – alt dette finansierer totalen, seier Habbestad.

9-holsbana kjem på austsida av ny driving range. Her er halve området regulert til golfbane, andre halvparten må omregulerast, her avventar ein ny reguleringsplan før vidare framdrift.
– Det er bygd 4 hól på delen som er regulert, seier Habbestad.

Sveio kommune eig 67 prosent av aksjane i Sveio Golfpark.
nyhende
Powered by Labrador CMS