Til helga blir det NM for 20 gutar og jenter

Forutan periodane med lockdown, har treningane for Sveio IL volleyball gått som normalt det siste halvtanna året. I følgje eit innlegg på Sveio Il sin nettstad, har dei jobba hardt, sjølv om både NM og seriespel har blitt avlyst. Sist for nokre veker sidan, då var det NM for U15 som gjekk i vasken.

No ser det ikkje ut for at noko skal komma i vegen for jenter og gutar U17, som til helga skal spela i NM i Stavanger. Sveio-spelarane skal møta dei beste i landet, utan å ha spelt skikkelege kampar på eitt år. Nivået er høgt, men alle er det for å gjera sitt beste, står det oppsummert i innlegget.