nyhende
Talet på innlagde med covid-19 aukar
På årets siste dag vart det ikkje registrert nye korona-smitta sveibuar. Tala er låge i heile regionen nyttårsaftan, men talet på innlagde pasientar med covid-19 auka til 14 i Helse Fonna-området.
Det vart registert få nye personar smitte med covid-19 nyttårsaften i regionen. Det viser tal frå Folkehelseinstituttet, som VG publiserer.
Det vart ikkje registrert nye smitta sveibuar fredag.
Totalt er det registrert 283 smitta i Sveio hittil siden starten av pandemien.
Fleire innlagde
Annonse
14 personar er for tida innlagde på sjukehus i Helse Fonna-området. 12 av desse i Haugesund, kor 2 får intensiv behandling. Begge er i aldersgruppa 18 til 64 år. Måndag var det 5 innlagde i Haugesund, så talet har auka kraftig denne veka.
Dei to andre pasientane med covid-19 i Helse Fonna-området er innlagde ved Stord sjukehus.
