nyhende
Ta vel imot konfirmantane
Tysdag 19. mars vil dei 65 konfirmantane i Sveio prøva å besøka dei fleste hus i kommunen. Oppdraget er Fasteaksjonen 2024.
Med seg har dei bøsser for å samla inn pengar til Kirkens Nødhjelp. I år er det reint vatn som gjeld, og konfirmantane kjem på besøk frå klokka 17.00 og to timar utover.
I fjor samla konfirmantane i Sveio inn 63.454 kroner.
– Det var eit godt tal, men me håpar sjølvsagt at det blir høgare i år, seier sokneprest og konfirmantansvarleg Arild Steinsland.
At nye landsbyar får brønn med friskt vatn gjer at barn, ungdommar og kvinner slepp alt det arbeidet det er å gå og henta vatn, og i staden kan leika og gå på skule.
– Ein brønn med vatn er altså så mykje meir enn godt vatn. Det fører til utvikling av landsdbyane, fortset soknepresten.
Dei fleste av dei 40.000 konfirmantane i Noreg er med på denne aksjonen som samlar inn om lag 35 millionar. Det gjer den til den nest største innsamlingsaksjonen i landet.
