nyhende
Sveibuane bidrog med ein million i grasrotmidlar
I fjor blei det sett ny rekord med 794 millionar kroner i grasrotmidlar. I Sveio fekk idrettslaget mest, men det er stor variasjon i mottakarar. Frå Sveio rådyrkjeredning til Bråtveit søndagsskule.
Det er gjennom Norsk Tipping at Grasrotandelen blir fordelt. Som Norsk Tipping-kunde kan du gi inntil sju prosent av det du spelar for til eit lag eller ei foreining som betyr noko for deg. I 2023 var over 1,1 millionar av vel 2 millionar kundar hos Norsk Tipping grasrotgivarar.
– Det betyr ay det er 1 million ledige grasrotgivarar. Det bør motivera lag og foreiningar til å legga ned litt ekstra innsats med å verva fleire givarar og auka inntektene, seier Linda Eng Strand, konstituert kommunikasjonsdirektør i Norsk Tipping.
Flest lokale mottakarar
Vel 60 grasrotmottakarar har til saman fått ein million kroner frå sveibuane. Dei fleste mottakarane er lokale, men det blir også gitt pengar til regionale og nasjonale lag og foreiningar.
Ikkje uventa er det Sveio idrettslag som har fått mest pengar. 217.053 kroner tikka inn på kontoen deira i løpet av 2023. Nest mest fekk Diabetesforbundet Rogland, med Haugaland Golfklubb på 3. plass. Minst fekk Sveio aspirantkor.
Lista over alle mottakarane og kor mykje dei har fått finn du nedanfor.
Kategoriane som fekk mest nasjonalt var idrett (403,2 millionar), rekreasjon og sosiale foreiningar (84,4) og kunst og kultur (72,3). På topplista over fylker er Vestland på 2. plass med 105,3 millionar kroner.
Desse fekk grasrotpengar frå sveibuane
- Nasjonalforeningen for folkehelsen: 197
- Diabetesforbundet Haugesund & Omegn: 83.385
- Sisu 4H – Valevåg: 12.596
- Valestrand ungdomslag: 5.671
- Sveio bygdeungdomslag: 4.992
- Valestrand skulekorps: 6.240
- Vikse paintball klubb: 18.247
- Lid 4H: 3.042
- Førde samfunnshus: 11.821
- Sveio rådyrkjeredning: 1.016
- Tjernagel rideklubb: 6.028
- Haugaland gjetarhundnemnd: 2.801
- Valestrand Hestesportlag: 277
- Sveio Frisbeegolf: 5.261
- Sveio idrettslag: 217.053
- Norsk bridgeforbund Haugaland Krets: 215
- Sveio orienteringslag: 8.884
- Haugaland Golfklubb: 86.808
- Sveio karateklubb: 12.834
- Sportskytterlaget Haugesund: 9.874
- Valestrand idrettslag: 7.641
- Norsk bibliotekforening avd Rogaland: 3.139
- Sunnhordland brukshund klubb: 1.676
- Diabetesforbundet Rogaland: 92.051
- Sveio drilltropp: 25.718
- Valestrand mannskor: 7.851
- Stiftelsen Haugesund Sculpture Park: 953
- Sveio aspirantkor: 3
- Førde skulemusikkorps: 18.913
- Sveio mållag: 2.587
- Førde bygdalag: 18.059
- Sveio bygdelag: 13.149
- Bua ungdomslag: 15.736
- Urhaugtunet vel: 4.419
- Haukås, Tveita og Nesse velforening: 8.280
- Krossleite velforening: 6.959
- Ørevik grendahus: 14.796
- Solheim og Lauvneset vel: 3.560
- Straumaveien velforening: 3.692
- Rophus velforening: 18.486
- Auklandshamn bygdalag: 26.599
- Kystlandskapsparken i Sveio: 334
- Fagerland Vest velforening: 49
- Våga og omegn grendalag: 3.794
- Straumøy velforening: 4.908
- Sveio JFNF: 15.929
- Kidshouse: 1.549
- Sveio turlag: 3.231
- Sveio hagelag: 756
- Oa ungdomslag: 18.409
- Valestrand bygdalag: 10.584
- Tittelsnes grendalag: 3.500
- Sveio skulekorps: 7.811
- Sveio kystlag: 19.833
- Førde ungdomslag: 5.990
- Lions Club Sveio: 2.567
- Førdespeidarane: 4.402
- Haugaland brukshundklubb: 773
- Buaspeidarane: 9.043
- Ørevik 4H: 663
- Pensjonistforbundet Sveio: 7.328
- Sveio gjenbruksbutikk: 7.056
- Bråtveit søndagsskule: 1.334
Kjelde: Norsk Tipping
