NPK-NTB: Regjeringa og Enova har lansert ei støtteordning for elektriske mopedar og motorsyklar. Ein kan få inntil 25.000 kroner for å gå for ein elektrisk variant.
I ei pressemelding frå Enova blir det opplyst at ein får 15.000 kroner i støtte til lett elmotorsykkel og 25.000 kroner til tung elmotorsykkel. Skaffar ein seg elmoped, kan ein få inntil 3.500 kroner.
Køyretøyet må vere førstegongsregistrert i køyretøyregisteret, noko som betyr at ein ikkje kan få støtte til kjøp av eit brukt køyretøy.
– Regjeringa vil kutte utslepp gjennom å elektrifisere transportsektoren. Vi er allereie eit føregangsland når det gjeld elbilar, og vi byggjer no ladeinfrastruktur over heile landet. Dette nye støttetilbodet frå Enova skal gjere det enklare òg for dei som ønskjer å kjøpe moped eller motorsykkel å velje eit utsleppsfritt alternativ, seier klima- og miljøminister Espen Barth Eide (Ap).
Ordninga er tidsavgrensa og vil vurderast løpande ut frå marknadsstatus og andre rammevilkår. Av nysal på moped og motorsykkel har moped størst utsleppsfri marknadsdel med 34 prosent i 2021. For lett og tung motorsykkel er marknadsdelen berre 4 prosent.
– Enovas mål er ikkje å auke det totale salet av moped og motorsykkel, men at dei køyretøya som blir selde framover, i størst mogleg grad skal vere elektriske. Vi vil gjere det litt enklare å ta smarte klimaval, seier Anna Theodora Barnwell, marknadssjef i Enova.
NPK-NTB: Regjeringa og Enova har lansert ei støtteordning for elektriske mopedar og motorsyklar. Ein kan få inntil 25.000 kroner for å gå for ein elektrisk variant.
I ei pressemelding frå Enova blir det opplyst at ein får 15.000 kroner i støtte til lett elmotorsykkel og 25.000 kroner til tung elmotorsykkel. Skaffar ein seg elmoped, kan ein få inntil 3.500 kroner.
Køyretøyet må vere førstegongsregistrert i køyretøyregisteret, noko som betyr at ein ikkje kan få støtte til kjøp av eit brukt køyretøy.
– Regjeringa vil kutte utslepp gjennom å elektrifisere transportsektoren. Vi er allereie eit føregangsland når det gjeld elbilar, og vi byggjer no ladeinfrastruktur over heile landet. Dette nye støttetilbodet frå Enova skal gjere det enklare òg for dei som ønskjer å kjøpe moped eller motorsykkel å velje eit utsleppsfritt alternativ, seier klima- og miljøminister Espen Barth Eide (Ap).
Ordninga er tidsavgrensa og vil vurderast løpande ut frå marknadsstatus og andre rammevilkår. Av nysal på moped og motorsykkel har moped størst utsleppsfri marknadsdel med 34 prosent i 2021. For lett og tung motorsykkel er marknadsdelen berre 4 prosent.
– Enovas mål er ikkje å auke det totale salet av moped og motorsykkel, men at dei køyretøya som blir selde framover, i størst mogleg grad skal vere elektriske. Vi vil gjere det litt enklare å ta smarte klimaval, seier Anna Theodora Barnwell, marknadssjef i Enova.
