Store materielle skadar på bilane

SISTE: Klokka 17.15 melder politiet at staden er rydda og trafikken går som normalt.

Nødetatane rykka ut til ulykka som blei meldt klokka 15.32. 10 minuttar seinare kom det oppdatert melding om at trafikken blir dirigert forbi i eit felt og alt bilbergar var på veg.

Operasjonsleiar Bjørn Iden ved Sør-Vest politidistrikt opplyser at det er store materielle skader på bilane, men at det førebels ikkje meldt om personskade. Det er 60 km/t på ulykkesstaden.

Fekk melding om møteulykke

Politiførstebetjent Ørjan Skau seier til Haugesunds Avis politiet fekk melding om ei møteulykke mellom to bilar.

– Då nødetatene kom til staden blei det raskt avklara at det ikkje var snakk om personskade. Førarane av begge bilane er sjekka av helse og er ok, sier han til avisa.

Dei involverte og vitner blir avkøyrt på staden, og politiet opprettar sak.

Ut frå Statens vegvesen si nye teneste Trafikkflyt danna det seg raskt køar på begge sider av ulykkesstaden. Klokka 16.50 såg det ut at det framleis var ein del kø i begge retningar.