nyhende
Stoppa ulovleg køyring
Måndag ettermiddag stoppa Utrykningspolitiet ein bilist i Sveio som brukte mobiltelefonen ulovleg under køyring.
Det viste seg også at mannen, som er fødd i 1976, køyrde utan gyldig førarkort.
– Han blir meld for begge desse forholda. Mannen er avhøyrd og det er oppretta sak, fortel Brit Jorunn Løvereide, vaktsjef ved Haugesund politistasjon.
Det var klokka 15.14 mannen blei stoppa av UP. Løvereide har ingen opplysningar om kor i Sveio dette skjedde.
