nyhende
Stadig fleire vinflasker kan pantast
I fjor selde Vinmonopolet rekordmange 8,4 millionar einingar med pant. Men mange flasker blir aldri panta fordi mange ikkje er klare over panten, ifølgje polet.
Talet på selde pantbare einingar frå polet auka med 10 prosent i fjor samanlikna med året før, skriv NRK.
Men trass i denne auken blir 35 prosent av flaskene aldri panta, og mange går dermed glipp av pantepengane, opplyser butikksjef Anette Reite-Bühler på Vinmonopolet i Moss til NRK.
Nordmenn panta over 1,5 milliardar boksar og flasker i 2022, ifølgje tal frå Infinitum, som eig og driftar panteordninga på gjenvinnbare drikkevareboksar og plastflasker i Noreg.
