Nestleiar og konsulent Terje Søviknes (Frp) seier han har hatt fleire hattar i arbeidet med eit Frp-forlag om lakseskatt, men meiner det er heilt uproblematisk.FOTO: NPK
Søviknes innrømmer dobbeltrolle i sak om lakseskatt
Nestleiar Terje Søviknes i Frp får betalt av eit oppdrettsselskap for å drive påverknadsarbeid. Samtidig drøftar han lakseskatt med partifellar.
NPK-NTB: Framstegspartiet vil stoppe den nye lakseskatten som oppdrettsnæringa er sterke motstandarar av. Partiet behandlar denne veka eit forslag som næringa er godt fornøgd med, ifølgje Klassekampen.
I arbeidet med Frp-forslaget har nestleiar Søviknes fungert som tilretteleggar mellom laksenæringa og stortingsgruppa i partiet. Samtidig er han hyra inn av Eide Fjordbruk for å påverke Stortinget i skattesaka.
– Her har eg hatt to hattar, og eg har vore heilt open om det. Stortingspolitikarane det gjeld har vore fullt klar over dei ulike rollene eg har hatt, seier den tidlegare olje- og energiministeren til avisa.
Søviknes har òg jobba for Eide Fjordbruk i saker knytt til konsesjonsordninga for lukka anlegg i sjø.
– Der har eg jobba opp mot alle parti. Då har eg vore tydeleg på at eg har ei dobbeltrolle, seier Søviknes.
Han meiner rollesjongleringa er uproblematisk og får støtte av partikollega Helge André Njåstad.
– Vi har jo ikkje yrkesforbod for politikarar her i landet, og vi ønskjer faktisk folk frå næringslivet velkommen inn i politikken.
Njåstad seier han saman med Sivert Bjørnstad og tre andre representantar utforma lakseskatt-forslaget, og ikkje Søviknes.
NPK-NTB: Framstegspartiet vil stoppe den nye lakseskatten som oppdrettsnæringa er sterke motstandarar av. Partiet behandlar denne veka eit forslag som næringa er godt fornøgd med, ifølgje Klassekampen.
I arbeidet med Frp-forslaget har nestleiar Søviknes fungert som tilretteleggar mellom laksenæringa og stortingsgruppa i partiet. Samtidig er han hyra inn av Eide Fjordbruk for å påverke Stortinget i skattesaka.
– Her har eg hatt to hattar, og eg har vore heilt open om det. Stortingspolitikarane det gjeld har vore fullt klar over dei ulike rollene eg har hatt, seier den tidlegare olje- og energiministeren til avisa.
Søviknes har òg jobba for Eide Fjordbruk i saker knytt til konsesjonsordninga for lukka anlegg i sjø.
– Der har eg jobba opp mot alle parti. Då har eg vore tydeleg på at eg har ei dobbeltrolle, seier Søviknes.
Han meiner rollesjongleringa er uproblematisk og får støtte av partikollega Helge André Njåstad.
– Vi har jo ikkje yrkesforbod for politikarar her i landet, og vi ønskjer faktisk folk frå næringslivet velkommen inn i politikken.
Njåstad seier han saman med Sivert Bjørnstad og tre andre representantar utforma lakseskatt-forslaget, og ikkje Søviknes.
