Søk midlar for tryggare trafikk

To gonger årleg deler Vestland fylkeskommune ut tilskot til aktivitetar som bidrar til å tryggja trafikk og trafikantar.

Målet med ordninga er å styrkje det førebyggjande og trafikantretta arbeidet med trafikktrygging som skjer lokalt og regionalt i fylket, opplyser Vestland fylkeskommune.

Kommunar, skular og barnehagar (inkludert FAU), lag og foreiningar, organisasjonar, institusjonar og aksjonsgrupper kan søka tilskot.

Ein kan få tilskot til haldningsskapande tiltak, informasjonstiltak, opplæringstiltak (inkludert trafikantopplæring), arrangement, kampanjar, aksjonar og prosjekt og liknande, som bidrar til å tryggja trafikk og trafikantar.

Tiltaka skal støtta opp om målet for ordninga, og reine fysiske tiltak vil normalt falle utanfor ordninga. Tilskotsordninga har to årlege tildelingar med kvar sin søknadsfrist. For 2021 gjeld desse søknadsfristane: Søknadsfristar i 2021 er 1. februar og 1. september.