nyhende
Sluttar som leiar
Etter 30 år med arbeid for kulturarven skal leiaren av ein lokal festival no gje seg.
Ole Jørgen Furdal gjev seg som leiar for Fartein Valen-festivalen. Det skriv han i ei pressemelding. Furdal har jobba med musikken til Fartein Valen sidan 1993 og skriv at han ser tilbake på ei fin tid.
– Eg har ei lang liste av arrangement å sjå tilbake på med stor glede, skriv han.
Som kyrkjemusikar har det vore ekstra stort å jobba med Fartein Valen-festivalen, grunna komponisten si tilknyting til kyrkja. Årsaka til at Furdal gjev seg er at han har blitt pensjonist.
