nyhende
Slik gjekk det med Sveio i kommune-NM
Sveio plasserer seg på øvre halvdel av tabellen blant landets kommunar i 2022-utgåva av NHO sitt kommune-NM. Men blir forbigått av nesten alle nabokommunane sine.
NHO sitt kommune-NM rangerer alle landets kommunar etter attraktivitet og lokal vekstkraft basert på forhold ved næringsliv, arbeidsmarknad, demografi, kompetanse og kommunal økonomi.
Sveio er på 131. plass. Litt ned på lista med andre ord, men av NHO likevel plassert i kategorien blant dei nest beste kommunane i landet.
Sveio må se seg slått av nesten alle nabokommunane i dei næringslivssterke regionane Haugalandet og Sunnhordland. Berre Kvinnherad, Bokn og Utsira kjem dårlegare ut i regionen.
Slik gjekk det med kommunane på Haugalandet og i Sunnhordland:
Vindafjord: 22. plass
Haugesund: 27. plass
Tysvær: 31. plass
Stord: 32. plass
Bømlo: 40. plass
Karmøy: 48. plass
Etne: 106. plass
Fitjar: 111. plass
Sveio: 131. plass
Kvinnherad: 156. plass
Bokn: 196. plass
Utsira: 348. plass
Sola kommune gjekk til topps i den landsomfattande kåringa.
