Skogen med sterkt resultat i blåsten i Texas

I helga var det The Aggie Invitational som gjekk av stabelen i byen Bryan i Texas. I sterk vind, og dermed krevjande forhold, viste sveibuen Både Bjørnevik Skogen nok ein gang at han har etablert seg blant dei beste amatørspelarane i USA.

Tredjeplass i lagkonkurransen

På par 72-banen var han stabil då han brukte høvesvis 72, 75 og 74 slag på dei tre rundane. Med totalt 221 slag blei han nummer fire i turneringa, og han var berre eitt slag frå ein delt tredjeplass i turneringa, og berre to slag frå andreplassen.

Det var to skandinavar som bidrog sterkt til at Skogen sitt lag, Texas Tech, sikra seg 3. plassen for lag i turneringa. For Skogen sin lagkamerat, Ludvig Åberg frå Sverige, kneip andreplassen i turneringa. Han imponerte spesielt på første runde, og med serien 68-74-77, avslutta han med solide 219 slag.

Ny konkurranse til helga

Lee Walker frå Texas A & M vann turneringa med serien 69-72-75 og til saman 216 slag. Hans lagkamerat Sam Bennet tok tredjeplassen med 71-74-75, og 220 totalt, og det var deira lag som gjekk til topps i lagkonkurransen.

Bård Skogen og Texas Tech skal ut i ein ny dyst igjen allereie førstkomande helg, i Phoenix.