nyhende
Skiftar ut rekkverk på E39 mellom Stord og Sveio
Statens vegvesen starta tysdag denne veka arbeidet med å skifte ut gammalt rekkverk på E39 mellom Heiane på Stord og Rød i Sveio.
Arbeidet blir i hovudsak utført om natta og skal etter planen vere ferdig innan 11. juli.
– Vi ber trafikantane ta hensyn til arbeidarane, og køyre roleg forbi anleggsområdet. Hugs at vi gjer dette for å gjere vegen tryggare for deg, seier byggeleiar Johnny Kousgaard Pedersen i ein pressemelding frå Statens vegvesen.
Vegvesenet opplyser at nattarbeid blir prioritert for å sikre både trafikkflyt og tryggleik for dei som jobbar på strekninga.
