Bli abonnent
Logg inn

nyhende

Equinor og partnarane i Wisting har bestemt å utsetje investeringsvedtaket som var planlagt i desember 2022. Foto: Håkon Mosvold Larsen / NTB / NPK
Equinor og partnarane i Wisting har bestemt å utsetje investeringsvedtaket som var planlagt i desember 2022.

Set Wisting-prosjektet på pause

Equinor og partnarane i Wisting-prosjektet utset investeringsavgjerda som var planlagd i desember 2022. Miljøorganisasjonane jublar.

Publisert Sist oppdatert

– Arbeidet med å utvikle prosjektet held fram med mål om ei investeringsavgjerd innan utgangen av 2026, skriv Equinor i ei pressemelding.

Det er auka kostnader som er årsaka til avgjerda. Selskapa sjølv beskriv Wisting som teknisk og miljømessig forsvarleg prosjekt som kan produsere sikkert i Barentshavet.

– Ei utbygging vil skape store verdiar for samfunnet og ringverknader i nord og nasjonalt. I vårt oppdaterte investeringsgrunnlag for prosjektet ser vi at kostnadene har auka på grunn av global inflasjon og kostnadsvekst i leverandørindustrien nasjonalt og internasjonalt, skriv Equinor.

Kostnadsvekst og uvisse

Den norske olje- og gassgiganten fastslår at det er uvisse rundt rammevilkåra for prosjektet og gjennomføringskapasitet i leverandørmarknaden. Oppdatert investeringsestimat for Wisting-prosjektet er på 104 milliardar kroner.

Global inflasjon og utfordringar i energimarknadene som følgje av krigen i Ukraina skaper kapasitetsutfordringar og flaskehalsar hos internasjonale og norske leverandørar. Dessutan har leveransetidene frå verfta og utstyrsleverandørane auka, påpeikar konserndirektør Geir Tungesvik for Prosjekt, boring og innkjøp.

– Mange har jobba hardt for å realisere Wisting i samsvar med planen, og avgjerda er krevjande. Men i dagens leverandørmarknad er det rett å utsetje ei investeringsavgjerd for å sikre ei økonomisk forsvarleg utbygging og robustheit i gjennomføringa av prosjektet. Når pressa i leverandørmarknaden minkar, vil Wisting-prosjektet kunne gjennomførast på ein god måte, seier han.

Aasland: Forståing

Olje- og energiminister Terje Aasland seier han har forståing for at Equinor no har behov for å sjå på moglegheitene for å få ned kostnadene knytt til utbygginga.

– Det ser eg på som ei ansvarleg tilnærming til eit så stort prosjekt. Samtidig er eg glad for at Equinor seier at dei ikkje avlyser utbyggingsplanane, men at dei utset dei, seier Aasland og legg til:

– Regjeringa er oppteken av at ressursane på sokkelen skal forvaltast godt, og Wisting er eit funn som kan bidra til å vidareutvikle petroleumssektoren på ein måte som kjem samfunnet til gode. Derfor ser eg fram til det vidare arbeidet Equinor no skal utføre.

Frp-leiar Sylvi Listhaug seier utsetjinga er forståeleg, men ho er glad for at Equinor er bestemt på å gjennomføre utbygginga.

– Det er viktig for å sikre langsiktig produksjon i Noregs viktigaste næring og at Noreg skal konkurrere langt inn i framtida om å produsere mest mogleg av olja verda trengjer på ein mest mogleg miljøvennleg måte, seier ho.

– Sjølv om det ikkje har noko med denne avgjerda å gjere, så ser vi ei aukande uvisse i oljenæringa som følgje av dei uklare signala til regjeringa og parti som vil oljenæringa til livs givast meir makt og innverknad, seier Listhaug vidare.

Klimabombe

Hos Raudt er likevel tonen ein annan. Partiet ser på utsetjinga som klok.

– Det er klokt ettersom Wisting både vil føre til store klimagassutslepp og nedbygging av natur med elektrifisering frå land. Det er eit hol i hovudet-prosjekt på alle måtar, som bør leggjast dødt på lang sikt òg, seier Sofie Marhaug som er 2. nestleiar av energi- og miljøkomiteen på Stortinget.

– Denne utsetjinga gjer at Wisting-prosjektet ikkje lenger blir omfatta av oljeskattepakken som Stortinget vedtok under pandemien. Då er heile prosjektet totalt ulønnsamt og noko Noreg mest sannsynleg kjem til å tape pengar på, seier miljøpolitisk talsperson Lars Haltbrekken i SV.

Venstres Ola Elvestuen kallar avgjerda ei gladmelding.

– No forventar eg at dei avsluttar prosjektet heilt, seier han.

– Ein gledesdag

Bellona-leiar Frederic Hauge kallar det ein gledesdag og peikar ikkje minst på konsekvensane prosjektet har for klimaet.

– Wisting-feltet er både i konflikt med sentrale klimamål og ville ha trua store naturverdiar. Likevel er det dei geologiske forholda som er det mest alvorlege då det er ein svært tynn og ustabil geologi som medfører stor risiko. Bellona har tidlegare åtvara om at dette vil fordyre prosjektet i forhold til kva Equinor har lagt til grunn, seier Hauge.

– Det er fantastiske nyheiter for klima, natur og grøn omstilling at Equinor utset investeringsavgjerda for Wisting, det nordlegaste oljefeltet i verda. Neste steg må bli å kaste heile prosjektet på historias skraphaug, tilføyer leiar Frode Pleym i Greenpeace Norge.

– Arbeidet med å utvikle prosjektet held fram med mål om ei investeringsavgjerd innan utgangen av 2026, skriv Equinor i ei pressemelding.

Det er auka kostnader som er årsaka til avgjerda. Selskapa sjølv beskriv Wisting som teknisk og miljømessig forsvarleg prosjekt som kan produsere sikkert i Barentshavet.

– Ei utbygging vil skape store verdiar for samfunnet og ringverknader i nord og nasjonalt. I vårt oppdaterte investeringsgrunnlag for prosjektet ser vi at kostnadene har auka på grunn av global inflasjon og kostnadsvekst i leverandørindustrien nasjonalt og internasjonalt, skriv Equinor.

Kostnadsvekst og uvisse

Den norske olje- og gassgiganten fastslår at det er uvisse rundt rammevilkåra for prosjektet og gjennomføringskapasitet i leverandørmarknaden. Oppdatert investeringsestimat for Wisting-prosjektet er på 104 milliardar kroner.

Global inflasjon og utfordringar i energimarknadene som følgje av krigen i Ukraina skaper kapasitetsutfordringar og flaskehalsar hos internasjonale og norske leverandørar. Dessutan har leveransetidene frå verfta og utstyrsleverandørane auka, påpeikar konserndirektør Geir Tungesvik for Prosjekt, boring og innkjøp.

– Mange har jobba hardt for å realisere Wisting i samsvar med planen, og avgjerda er krevjande. Men i dagens leverandørmarknad er det rett å utsetje ei investeringsavgjerd for å sikre ei økonomisk forsvarleg utbygging og robustheit i gjennomføringa av prosjektet. Når pressa i leverandørmarknaden minkar, vil Wisting-prosjektet kunne gjennomførast på ein god måte, seier han.

Aasland: Forståing

Olje- og energiminister Terje Aasland seier han har forståing for at Equinor no har behov for å sjå på moglegheitene for å få ned kostnadene knytt til utbygginga.

– Det ser eg på som ei ansvarleg tilnærming til eit så stort prosjekt. Samtidig er eg glad for at Equinor seier at dei ikkje avlyser utbyggingsplanane, men at dei utset dei, seier Aasland og legg til:

– Regjeringa er oppteken av at ressursane på sokkelen skal forvaltast godt, og Wisting er eit funn som kan bidra til å vidareutvikle petroleumssektoren på ein måte som kjem samfunnet til gode. Derfor ser eg fram til det vidare arbeidet Equinor no skal utføre.

Frp-leiar Sylvi Listhaug seier utsetjinga er forståeleg, men ho er glad for at Equinor er bestemt på å gjennomføre utbygginga.

– Det er viktig for å sikre langsiktig produksjon i Noregs viktigaste næring og at Noreg skal konkurrere langt inn i framtida om å produsere mest mogleg av olja verda trengjer på ein mest mogleg miljøvennleg måte, seier ho.

– Sjølv om det ikkje har noko med denne avgjerda å gjere, så ser vi ei aukande uvisse i oljenæringa som følgje av dei uklare signala til regjeringa og parti som vil oljenæringa til livs givast meir makt og innverknad, seier Listhaug vidare.

Klimabombe

Hos Raudt er likevel tonen ein annan. Partiet ser på utsetjinga som klok.

– Det er klokt ettersom Wisting både vil føre til store klimagassutslepp og nedbygging av natur med elektrifisering frå land. Det er eit hol i hovudet-prosjekt på alle måtar, som bør leggjast dødt på lang sikt òg, seier Sofie Marhaug som er 2. nestleiar av energi- og miljøkomiteen på Stortinget.

– Denne utsetjinga gjer at Wisting-prosjektet ikkje lenger blir omfatta av oljeskattepakken som Stortinget vedtok under pandemien. Då er heile prosjektet totalt ulønnsamt og noko Noreg mest sannsynleg kjem til å tape pengar på, seier miljøpolitisk talsperson Lars Haltbrekken i SV.

Venstres Ola Elvestuen kallar avgjerda ei gladmelding.

– No forventar eg at dei avsluttar prosjektet heilt, seier han.

– Ein gledesdag

Bellona-leiar Frederic Hauge kallar det ein gledesdag og peikar ikkje minst på konsekvensane prosjektet har for klimaet.

– Wisting-feltet er både i konflikt med sentrale klimamål og ville ha trua store naturverdiar. Likevel er det dei geologiske forholda som er det mest alvorlege då det er ein svært tynn og ustabil geologi som medfører stor risiko. Bellona har tidlegare åtvara om at dette vil fordyre prosjektet i forhold til kva Equinor har lagt til grunn, seier Hauge.

– Det er fantastiske nyheiter for klima, natur og grøn omstilling at Equinor utset investeringsavgjerda for Wisting, det nordlegaste oljefeltet i verda. Neste steg må bli å kaste heile prosjektet på historias skraphaug, tilføyer leiar Frode Pleym i Greenpeace Norge.
nyhende
Powered by Labrador CMS