Bli abonnent
Logg inn

nyhende

SAS har førebels måndag kansellert 46 flygingar frå nokre av dei største flyplassane på grunn av streiken blant kabintilsette.
SAS har førebels måndag kansellert 46 flygingar frå nokre av dei største flyplassane på grunn av streiken blant kabintilsette.

SAS har avlyst 46 flygingar

SAS har måndag førebels kansellert 46 flygingar til og frå nokre av dei største flyplassane i landet på grunn av streiken blant kabintilsette.

Publisert Sist oppdatert
Det er klart flest fly til og frå Oslo lufthamn Gardermoen som er innstilte, med totalt 27. I tillegg er avgangar innstilte frå Bergen og Stavanger (fem kvar), Bodø (tre), Alta og Ålesund (to), Tromsø og Trondheim (éin innstilt avgang kvar). Det viser NTBs oppteljing kort tid før klokka 8 måndag morgon.
Det er klart flest fly til og frå Oslo lufthamn Gardermoen som er innstilte, med totalt 27. I tillegg er avgangar innstilte frå Bergen og Stavanger (fem kvar), Bodø (tre), Alta og Ålesund (to), Tromsø og Trondheim (éin innstilt avgang kvar). Det viser NTBs oppteljing kort tid før klokka 8 måndag morgon.

Råka mange søndag

Teljinga tek utgangspunkt i avgangar frå flyplassar innanlands, og dessutan innkomstar frå utlandet.

Søndag vart over 40 SAS-flygingar innstilte på grunn av streiken. Til liks med måndag var det også då snakk om både innanriks- og utanriksruter.

Parat varslar at det kan bli møte mellom partane i SAS-streiken. SAS stiller seg positive, men vil ikkje stadfeste noko.

Ny kontakt i dag?

– Det kan bli eit avklarande møte i ettermiddag, seier Martinus Røkkum i SAS Norge kabinforeining til NRK.

Det skal vere kontakt mellom partane også no på morgonen.

– Vi registrerer utsegnene frå Parat og stiller oss positive til nye samtalar, seier pressesjef Øystein Schmidt i SAS til NTB.

Han legg til at detaljar om eit eventuelt møte må komme frå riksmeklaren. NTB har prøvd å komme i kontakt med riksmeklar Mats Wilhelm Ruland, men utan å lykkast.
nyhende
Powered by Labrador CMS