nyhende
SAS fjernar SAS Plus
Ordninga SAS Plus blir fjerna, og flyselskapet går tilbake til ordinær businessklasse med ein eigen seksjon bak gardiner. Betre plass og porselentallerknar er noko av lokkematen.
Tilbake til business
Endringane trer i kraft i løpet av neste år. Dagens Plus-klasse blir fjerna, og SAS går tilbake til businessklasse der den fremste delen av flyet er skild frå resten med ei gardin.
Den største endringa blir at dei som flyg business, får betre plass, fortel Verhagen. Det er garantert at midtsetet vil vere blokkert, slik at ingen sit ved sida av deg.
Frå papp til porselen
Dessutan vil ikkje lenger resten av flyet kunne bruke toaletta framme i flyet, som vil vere reserverte businessklasse. Maten vil også få ei oppgradering frå pappesker til porselen, noko som samsvarer med tilbodet frå andre europeiske flyselskap i businessklassane deira.
SAS innførte businessklasse på 1980-talet, men fjerna det i 2013 etter auka konkurranse med lågprisselskapa. Verhagen fortel ikkje noko om kva endringane vil innebere når det gjeld pris.
