Bli abonnent
Logg inn

nyhende

Ansvarleg for loddsalet var lærar for 6. og 7. klasse, Sivert Johan Berg, gøymd bak nokre av elevane sine. Frå venstre: Ole Neset Enerstvedt (12), Sina Elise Nerland (11). Mellom dei står Edith Halleraker (11), og til høgre sitt 6.klassingen Olai Haaversen (11). Bak til høgre Jacob Sæ Helland (12) år. Foto: Elisabeth Hauge Bakke
Ansvarleg for loddsalet var lærar for 6. og 7. klasse, Sivert Johan Berg, gøymd bak nokre av elevane sine. Frå venstre: Ole Neset Enerstvedt (12), Sina Elise Nerland (11). Mellom dei står Edith Halleraker (11), og til høgre sitt 6.klassingen Olai Haaversen (11). Bak til høgre Jacob Sæ Helland (12) år.
Fleire frå vaksenopplæringa i Førde hadde ansvaret med å selja mykje god heimebakst. Frå venstre: Olga, Oksana, Daryna, Mykhailo, Oleksandr, og endå ein med namnet Mykhailo. Foto: Elisabeth Hauge Bakke
Fleire frå vaksenopplæringa i Førde hadde ansvaret med å selja mykje god heimebakst. Frå venstre: Olga, Oksana, Daryna, Mykhailo, Oleksandr, og endå ein med namnet Mykhailo.
Mange fann vegen inn i Harry Potter sitt rike, der 4. og 5. klasse også hadde leseprosjekt, samt skrive haustdikt. På begge sider av eit haustfarga tre hang det mange og gode dikt. Foto: Elisabeth Hauge Bakke
Mange fann vegen inn i Harry Potter sitt rike, der 4. og 5. klasse også hadde leseprosjekt, samt skrive haustdikt. På begge sider av eit haustfarga tre hang det mange og gode dikt.
Nokre av 4. og 5. klassingane hadde også laga tryllestavar, og vore svært engasjerte, fortalde lærarane Vigdis Askeland Dahle og Hanne Friis Soland. Foto: Elisabeth Hauge Bakke
Nokre av 4. og 5. klassingane hadde også laga tryllestavar, og vore svært engasjerte, fortalde lærarane Vigdis Askeland Dahle og Hanne Friis Soland.
Rektor Bjørn Tore Enerstvedt var imponert av den store oppslutnaden rundt arrangementet. Foto: Elisabeth Hauge Bakke
Rektor Bjørn Tore Enerstvedt var imponert av den store oppslutnaden rundt arrangementet.

Samla inn nesten 23.000 kroner på vel ein time

Førde skule har tradisjon for å gjera ein ekstra innsats for å samla inn pengar til TV-aksjonen. Torsdag 23. oktober inviterte dei til open skule.

Publisert Sist oppdatert

FN-dagen 24. oktober fekk også merksemd.

– Me ønskjer å løfta fram verdiar som fargerikt felleskap og mangfald. I år har me også eit ekstra fokus på lesing, fortalde rektor Bjørn Tore Enerstvedt.

Barn frå mange land

Om lag 55 elevar kledd i fargerike T-skjorter opna arrangementet med stor songglede og vakre melodiar, mellom anna «Vi er barn fra mange land». Noko me fekk stadfesta då fleire born sa nokre ord på sitt eige morsmål.

Om lag 55 born i fargerike T-skjorter song mellom anna melodien «Vi er barn fra mange land».

Då rektor hadde ønskja velkomen og rosa det fargerrike felleskapet, opplyste han at det ikkje var ledige stolar fordi det var over 200 i salen. Vidare fortalde han at all inntekt denne kvelden uavkorta ville gå til Atlas-alliansen, som er årets mottakar i TV-aksjonen.

– Me vil gjera verda til ein litt betre stad å vera, sa Enerstvedt.

Varme pølser, heimebakst og loddsal

Rektoren trong ikkje be folk to gonger om å følgja trappene opp til andre etasje der ein kunne kjøpa varm mat og heimebakst, samt lodd og vinna fine gevinstar.

Folk i alle aldrar hadde møtt fram for å ta del i dette fargerike felleskapet. Foreldre, besteforeldre, små og store sysken, kan henda ein og annan oldefar og oldemor, samt mange frå vaksenopplæringa i Førde.

Annika Heimdal (6) og broren Lukas Heimdal (3) storkosa seg då dei fekk eta fleire stykker sjokoladekaka.

Dei selde mellom anna så god sjokoladekake at Annika Heimdal (6) og broren Lukas (3) storkosa seg då dei fekk fleire stykker på tallerkenane sine.

Tema «Fantasy»

Tema for nokre 4. og 5.klassingar var «Fantasy», inspirert av Harry Potter. I starten på arrangementet var rommet mørkt for å frå fram den spesielle stemninga. Andre hadde laga tryllestavar.

Kontaktlærar Vigdis Askeland Dahle og lærar i kunst og handtverk og engelsk, Hanne Friis Soland, fortalde at elevane hadde vore svært engasjerte.

Tema for 4. og 5.klasse var «Fantasy». Dei var inspirert av Harry Potter, og i starten av arrangementet var rommet mørklagd for å frå fram den spesielle stemninga.

Mange fann vegen inn i Harry Potter sitt rike der det også var leseprosjekt, samt at elevar hadde skrive mange og gode haustdikt. Desse var hengt opp på begge sider av eit haustfarga tre.

22.800 kroner

Enerstvedt var imponert over oppslutnaden og kor rause folk er.

– FAU og foreldre hjelper til, og mange foreldre har kome med flotte gevinstar. I tillegg har me fått fruktkorger frå både Joker Førde, Coop Extra Sveio og Kiwi Sveio.

Då arrangementet var over, kunne rektor opplysa at Førde skule fekk inn heile 22.800 kroner på litt over ein time, noko som fortel at loddsal og sal av mat samt heimebakst gjekk godt.

Vesle Eivind Sæ Helland var så heldig å få vera i lag med bestefar Oddmund Sæ som las frå ei av dei mange bøkene som 2-åringen henta ut av hylla.

Til topps på lista

Desse pengane førte også Førde skule heilt til topps på lista over nesten 30 givarar på nærings- og organisasjonslista i Sveio. Nummer to på TV-akjsonslista er Sveio kommune og Sveio Senter med 10.000 kvar.

Søndag kveld var den totale summen frå Sveio (inkludert landsfordelte bidrag) 295.237 kroner. Knappe to tusenlappar mindre enn nettsida til TV-aksjonen viste tysdag. Det var ikkje mogeleg å få svar på om det store bidraget frå Førde skule var med i totalsummen.
nyhende
Powered by Labrador CMS