Såg ut som nokre juletre – vann kåringa

Måndag var det eit litt annleis dag på på kommunehuset i Sveio. Då vart det heldt «stygg julegenser»-konkurranse og dei tilsette gjekk inn for å vinne.

— Me veit ikkje kva premien er ennå, sa Viktoria Lien.

— Står stjerna mi nå?

Saman med kollegaene Bodil Waage, Anne Karin Enerstvedt, Linda Blix Odland var ho kledd ut som juletre.

— Står stjerna mi nå? Spurde Waage dei andre.

— Treet mitt står men stjerna fall framover, sa Blix Odland.

Dei takka ja til å stille opp for eit bilete, og det juletreet som står i inngangen på kommunehuset fekk selskap av fire nye.

— Kva skal me gjere med hendene? Vart det diskutert i mellom dei fire trea.

— Me kan halde dei oppe, sa Enerstvedt.

Skrudde på lysa

Eva Helen Ekrene kom vandrande i bakgrunnen, ho var ikkje utkledd som tre men hadde jamvel sikra seg ein god genser.

— Sjå, eg skal skru på lysa, sa Ekrene.

Genseren byrja å blinke, og då dei fire juletre-kollegaene stilte seg rundt ho vart det tydeleg at det vert ein kjekk dag på kommunehuset.

Seinare vart det bekrefta frå ein av vinnarane at dei fire juletrea gjekk sigrande ut av konkurransen.