Klokka 11.38 onsdag fekk politiet melding om bilbrann i Straumavegen i Sveio.
— Brannvesenet har kome til staden og brannen er sløkt, skriv Sør-Vest politidistrikt i ei melding på Twitter.
Parkert bil
Operasjonsleiar John Ask ved Sør-Vest politidistrikt opplyser til Vestavind at bilen som byrja å brenne skal ha stått i ro då hendinga inntraff.
Annonse
— Eigaren forsøkte å sløkke brannen med brannsløkkeapparat utan å lykkast, fortel han.
Fekk helsesjekk
Både politi, brannmannskap og ambulanse vart sendt til staden då meldinga om bilbrann kom.
— Mannen vart sjekka av ambulansepersonell med tanke på inntak av røyk, men han trengte ikkje å vere med ambulansen vidare, opplyser Ask.
