Reguleringsplan på høyring

Planforslaget er utarbeidd av ABO Plan & Arkitektur på Stord. Oppstartmøtet for planarbeidet var 6. mai i fjor. Planforslaget som no er ute på høyring, er datert 13. mai i år.

Bak selskapet med det lange namnet Nasjonalt Senter for utvikling av Nye Marine Oppdrettsarter Num AS står forretningsmannen Sigurd Aase i Haugesund. Tomta som selskapet har kjøpt av Sveio kommune, er ein del av den tidlegare radiosendartomta. I kommuneplanen for Sveio er dette området avsett til næringsføremål.

Kråkeboller først

Nasjonalt Senter for utvikling av Nye Marine Oppdrettsarter Num AS sitt føremål med reguleringsarbeidet er mellom anna å etablera landbaserte oppdrettsanlegg for maritime artar som er nye i samband med oppdrett. Kråkeboller blir omtalt, men andre artar og artsgrupper er også aktuelle. Plasseringa ved sjøen vil i alle tilfelle vera gunstig for å få tak i friskt sjøvatn, høve til utslepp av organisk avfall og høve til transport sjøvegen. Det blir nemnt litt fram i tid.

Utbyggaren ser også for seg samarbeid med forskings- og utviklingsmiljø, og ønskjer difor å leggja til rette for lokale med overnattingsplassar for tilreisande forskarar.

Redusert planområde

Planområdet var ved start 213 dekar. I løpet av planprosessen er dette redusert til 194,4 dekar. Av dette utgjer næringsbygningar 67,5 dekar, køyrelvegar 15,7, anna veggrunn og grøntareal 8, kaiar 1,6, vegetasjonsskjerm 6,8, landbruk, natur og frilluftsområde 27,6, sspreidde bustader 0,2, naturvernområde 17,9, ferdselsområde 26,3 og hamneområde i sjø 22,8 dekar. Kaiane får ei samla lengd på 100 meter.

Kommunen er orientert om dette under vegs om avgrensingane i planområdet. Det som er tatt ut er område langs fylkesvegen utanom frisiktsonene, område for automatisk freda kulturminne og uavklarte kulturminne.

Kan bli 30 arbeidsplassar

I planen er det sett av elleve område til næringsbygg. Det er snakk om ei gradvis utbygging, der verksemda i første omgang vil gi fem arbeidsplasser. Fullt utbygd og med full drift kan talet på tilsette koma opp i 30. Med i dette talet er også sesongarbeidsplassar som vil vera aktuelle i periodar. I tillegg kjem eventuelle forskarar som vil vera innom i periodar.

Planforslaget inneheld to kaiområde. Ved eitt av dei kan det bli aktuelt å etablera eit mindre bunkringsanlegg, sjølv om fartøy også vi ha høve til å skaffa seg drivstoff ved eit større anlegg i fiskerihamna på Bømlo tvers over fjorden.