nyhende
Regjeringa aukar oljepengebruken til 409,8 milliardar
Regjeringa plussar på oljepengebruken med 37,5 milliardar kroner, men held seg godt under handlingsregelen med 409,8 milliardar oljekroner.
Hovudtala vart publisert klokka 8 fredag, medan budsjettforslaget blir lagt fram klokka 9. Basert på nøkkeltala blir det anslått å ha eit nokså nøytralt vekstbidrag til norsk økonomi.
Som del av oljefondet, utgjer oljepengebruken i år 2,7 prosent – godt under tilrådinga til handlingsregelen om å halde seg under 3 prosent.
– Regjeringa har klart å finne rom for nødvendige utgifter som følgjer av den ekstraordinære situasjonen vi no står i, innanfor ei samla ansvarleg ramme, skriv Finansdepartementet i pressemeldinga.
I budsjettforslaget for 2023 foreslo regjeringa å bruke 316,8 milliardar oljekroner. Dette vart auka med rundt 56 milliardar kroner, til 372,6 milliardar kroner, i revidert budsjett i mai i år.
