nyhende
Populær møteplass borte
Paviljongen mellom Vestavind-huset og kommunehuset er lagt i bakken, men kan bli erstatta av eit nytt, tilsvarande byggverk.
– Paviljongen som har vore ein populær møteplass for både barn og vaksne i minst 20 år, måtte fjernast fordi konstruksjonen var ròten og sto i fare for å falla saman, forklarar Frederik Aalo Flood, som er leiar for drift og anlegg i Sveio kommune.
Bygget blei difor tatt ned av kommunen sine eigne folk for å hindra at det skulle medføra skade. Restane ligg enno på staden.
– Me vil gjerne setja opp eit tilsvarande bygg så sant me finn pengar til dette på budsjettet, seier Flood.
